സി.ബി.എസ്.ഇ ബോര്‍ഡ് പരീക്ഷകള്‍ ജൂലായ് ഒന്നുമുതല്‍

കോവിഡ്-19 വ്യാപനത്തെത്തുടർന്ന് മാറ്റിവെച്ച സി.ബി.എസ്.ഇ ബോർഡ് പരീക്ഷകൾ ജൂലായ് ഒന്നുമുതൽ 15 വരെ നടത്തും. പരീക്ഷാ ടൈംടേബിൾ ഉടൻ പ്രസിദ്ധീകരിക്കും. ഓഗസ്റ്റിൽ ഫലപ്രഖ്യാപനമുണ്ടാകുമെന്ന് പ്രതീക്ഷിക്കാം. കലാപമുണ്ടായ വടക്കുകിഴക്കൻ ഡൽഹിയിൽ മാത്രമേ 10-ാം ക്ലാസ് പരീക്ഷ നടത്തുകയുള്ളൂ. 12-ാം ക്ലാസുകാർക്ക് 29 പ്രധാനവിഷയങ്ങളിൽ മാത്രമേ പരീക്ഷയുണ്ടാവുകയുള്ളൂ. നേരത്തെ മാർച്ച് 18 വരെയുള്ള പരീക്ഷകൾ സി.ബി.എസ്.ഇ പൂർത്തിയാക്കിയിരുന്നു. ജെഇഇ മെയിൻ, നീറ്റ് പരീക്ഷകൾക്ക് മുൻപായി ബോർഡ് പരീക്ഷകൾ പൂർത്തിയാക്കേണ്ടതുണ്ട്. വിദേശത്തെ സ്കൂളുകളിൽ പരീക്ഷ നടത്തണമോയെന്ന കാര്യത്തിൽ ബോർഡ് അന്തിമ തീരുമാനമെടുത്തിട്ടില്ല.