അപേക്ഷിച്ചാൽ 24 മണിക്കൂറിനുള്ളിൽ റേഷൻ കാർഡ്
തിരുവനന്തപുരം: സംസ്ഥാനത്ത് റേഷൻ കാർഡ് ഇല്ലാത്തവർക്ക്, അപേക്ഷ നൽകി 24 മണിക്കൂറിനുള്ളിൽ റേഷൻ കാർഡ് ലഭ്യമാക്കണമെന്ന് സർക്കാർ ഉത്തരവ്. പൊതുഭരണ വകുപ്പാണ് ഇതുസംബന്ധിച്ച ഉത്തരവിറക്കിയിരിക്കുന്നത്. റേഷൻകാർഡില്ലാത്ത കുടുംബങ്ങൾക്ക്, കോവിഡ്-19 ന്റെ ഭാഗമായി കേന്ദ്ര, സംസ്ഥാന സർക്കാരുകൾ വിതരണം ചെയ്യുന്ന ഭക്ഷ്യധാന്യങ്ങൾ ലഭ്യാമാകാത്ത സാഹചര്യത്തിലാണ് നടപടി. അപേക്ഷയ്ക്കൊപ്പം ഹാജരാക്കുന്ന രേഖകളുടെ ആധികാരികത പരിശോധിക്കാൻ, നിലവിലെ സാഹചര്യത്തിൽ ബുദ്ധിമുട്ടുണ്ടെങ്കിൽ താൽക്കാലിക റേഷൻകാർഡ് അനുവദിക്കണമെന്നും ഉത്തരവിൽ വ്യക്തമാക്കിയിട്ടുണ്ട്. എന്നാൽ സമർപ്പിക്കുന്ന രേഖകളുടെ ആധികാരികത സംബന്ധിച്ച പൂർണ ഉത്തരവാദിത്തം അപേക്ഷകനായിരിക്കുമെന്നും ഇതിനു പുറമെ തെറ്റായ വിവരങ്ങൾ നൽകിയാൽ ശിക്ഷാനടപടികൾക്ക് വിധേയരാകുന്നതായിരിക്കും എന്ന സത്യവാങ്മൂലം കൂടി അപേക്ഷകരിൽ നിന്നും വാങ്ങണമെന്നും പൊതുവിതരണ ഡയറക്ടർക്കു നൽകിയ ഉത്തരവിൽ പറയുന്നു.
Home › News › അപേക്ഷിച്ചാൽ 24 മണിക്കൂറിനുള്ളിൽ റേഷൻ കാർഡ്
