ആൾക്കൂട്ടം ഒ​ഴി​വാ​ക്കാ​ൻ ജില്ലയിൽ വീ​ണ്ടും ക​ർ​ശ​ന റോ​ഡ്പ​രി​ശോ​ധ​ന മാ​സ്ക് ക​ഴു​ത്തി​ൽ തൂ​ക്കി​യി​ട്ട് യാ​ത്ര​ചെ​യ്ത​വ​ര​ട​ക്കം 500 രൂ​പ പി​ഴ ​ഒ​ടു​ക്കേ​ണ്ടി​വ​ന്നു

കോ​ഴി​ക്കോ​ട്: ലോക്ക്ഡൗണ്‍ നി​യ​ന്ത്ര​ണ​ങ്ങ​ളി​ല്‍ ഇ​ള​വ് വ​രു​ത്തി ഓ​റ​ഞ്ച് സോ​ണാ​യി പ്ര​ഖ്യാ​പി​ച്ച​തി​ന് പി​ന്നാ​ലെ കോ​ഴി​ക്കോ​ട്ട് തി​ങ്ക​ളാ​ഴ്ച നി​യ​ന്ത്ര​ണ​ങ്ങ​ള്‍ മ​റി​ക​ട​ന്ന് റോ​ഡു​ക​ളി​ൽ വ​ൻ വാ​ഹ​ന​പ്ര​വാ​ഹം ഉ​ണ്ടാ​യ​ത് ക​ണ​ക്കി​ലെ​ടു​ത്ത് ഇ​ന്ന​ലെ ക​ർ​ശ​ന വാ​ഹ​ന പ​രി​ശോ​ധ​ന​യു​മാ​യി പോ​ലീ​സ്. പി​ക്ക​റ്റ് പോ​സ്റ്റു​ക​ൾ ഇ​ന്ന​ലെ രാ​വി​ലെ പു​നഃ​സ്ഥാ​പി​ച്ചാ​യി​രു​ന്നു പ​രി​ശോ​ധ​ന. സത്യവാങ്മൂലം കൈ​യി​ൽ ക​രു​താ​തെ​യും മാ​സ്ക് ധ​രി​ക്കാ​തെ​യും പു​റ​ത്തി​റ​ങ്ങി​യ നി​ര​വ​ധി പേ​ർ കു​ടു​ങ്ങി. സാ​ധ​ന​ങ്ങ​ൾ വാ​ങ്ങാ​നെ​ന്ന പേ​രി​ൽ ഇ​രു​ച​ക്ര​വാ​ഹ​ന​ങ്ങ​ളി​ലും മ​റ്റും ന​ഗ​ര​ത്തി​ലേ​ക്ക് വ​ന്ന​വ​രാ​ണ് കു​ടു​ങ്ങി​യ​ത്. ഓ​രോ കു​റ്റ​ത്തി​നും 500 രൂ​പ തോ​തി​ൽ ഇ​വ​രി​ൽ​നി​ന്ന് പി​ഴ ഈ​ടാ​ക്കി. ബാ​ങ്ക് റോ​ഡ് ജം​ഗ്ഷ​നി​ൽ ക​ൺ​ട്രോ​ൾ റൂം ​അ​സി. ക​മീ​ഷ​ണ​ർ എ​ൽ.​സു​രേ​ന്ദ്ര​ൻ ,ടൗ​ൺ എ​സ്ഐ കെ.​ബി​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ൽ രാ​വി​ലെ മു​ത​ൽ ക​ർ​ശ​ന പ​രി​ശോ​ധ​ന ന​ട​ന്നു. എരഞ്ഞിപ്പാലം ബൈ​പാ​സി​ൽ ന​ട​ക്കാ​വ് ഇ​ൻ​സ്പെ​ക്ട​ർ ടി.​കെ.​അ​ഷ്റ​ഫ്, മെ​ഡി​ക്ക​ൽ കോ​ള​ജ് റോ​ഡി​ൽ ക​സ​ബ ഇ​ൻ​സ്പെ​ക്ട​ർ വി.​കെ.​സി​ജി​ത്ത്, ബീ​ച്ച് റോ​ഡി​ൽ വെ​ള്ള​യി​ൽ ഇ​ൻ​സ്പെ​ക്ട​ർ ജി.​ഗോ​പ​കു​മാ​ർ, വെ​ള്ളി​മാ​ടു​കു​ന്നി​ൽ ചേ​വാ​യൂ​ർ ഇ​ൻ​സ്പെ​ക്ട​ർ ടി.​പി.​ശ്രീ​ജി​ത്ത്, മെ​ഡി​ക്ക​ൽ കോ​ള​ജ് പ​രി​സ​ര​ത്ത് ഇ​ൻ​സ്പെ​ക്ട​ർ മൂ​സ വ​ള്ളി​ക്കാ​ട​ൻ, ദേ​ശീ​യ​പാ​ത​യി​ലെ എ​ല​ത്തൂ​രി​ൽ ഇ​ൻ​സ്പെ​ക്ട​ർ കെ.​കെ.​ബി​ജു എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ രാ​വി​ലെ 10ന​കം ത​ന്നെ ഇ​രു​നൂ​റോ​ളം പേ​രി​ൽ​നി​ന്ന് പി​ഴ ഈ​ടാ​ക്കി. മാസ്ക് ക​ഴു​ത്തി​ൽ തൂ​ക്കി​യി​ട്ട് യാ​ത്ര​ചെ​യ്ത​വ​ര​ട​ക്കം 500 രൂ​പ പി​ഴ ​ഒ​ടു​ക്കേ​ണ്ടി​വ​ന്നു. സ​ത്യ​വാ​ങ്ങ്മൂ​ലം ഇ​ല്ലാ​തെ​യാ​ണ് പ​ല​രും യാ​ത്ര​ചെ​യ്യു​ന്ന​ത്. പോ​ലീ​സ് പി​ഴ ഈ​ടാ​ക്കു​ന്ന​തി​നി​ടെ ത​ന്ത്ര​ത്തി​ൽ സ​ത്യ​വാ​ങ്ങ്മൂ​ലം എ​ഴു​താ​ൻ ശ്ര​മി​ച്ച യു​വാ​വി​നെ ടൗ​ൺ എ​സ്ഐ കെ.​ബി​ജി​ത്ത് കൈ​യോ​ടെ പി​ടി​കൂ​ടി പി​ഴ ഈ​ടാ​ക്കി. തി​ങ്ക​ളാ​ഴ്ച പോ​ലീ​സ് പ​രി​ശോ​ധ​ന​യി​ൽ അ​ലം​ഭാ​വം കാ​ണി​ച്ച​താ​യി പ​രാ​തി ഉ​യ​ർ​ന്ന​തി​നെ​തു​ട​ർ​ന്ന് ഇ​ന്ന​ലെ മു​ത​ൽ ലോ​ക്ക്ഡൗ​ൺ തീ​രു​ന്ന​തു​വ​രെ ക​ർ​ശ​ന പ​രി​ശോ​ധ​ന ന​ട​ത്താ​ൻ സി​റ്റി പോ​ലീ​സ് ക​മീ​ഷ​ണ​ർ എ.​വി.​ജോ​ർ​ജ് നി​ർ​ദേ​ശം ന​ൽ​കി​യി​ട്ടു​ണ്ട്. അ​തേ​സ​മ​യം യാ​ത്രാ​രേ​ഖ​ക​ൾ കാ​ണി​ക്കു​ന്ന​വ​രെ പോ​ലീ​സ് യാ​ത്ര​തു​ട​രാ​ൻ അ​നു​വ​ദി​ക്കു​ന്നു​ണ്ട്. മിഠായിതെരുവിൽ തി​ങ്ക​ളാ​ഴ്ച നി​ര​വ​ധി ക​ച്ച​വ​ട​സ്ഥാ​പ​ന​ങ്ങ​ൾ തു​റ​ന്ന​ത് ക​ണ​ക്കി​ലെ​ടു​ത്ത് ര​ണ്ട് ടീം ​പോ​ലീ​സി​നെ അ​വി​ടെ വി​ന്യ​സി​ച്ചി​ട്ടു​ണ്ട്. കേ​ന്ദ്ര സ​ർ​ക്കാ​രി​ന്‍റെ ഇ​ള​വ് അ​നു​സ​രി​ച്ചു​ള്ള വ്യാ​പാ​ര​സ്ഥാ​പ​ന​ങ്ങ​ൾ മാ​ത്ര​മെ തു​റ​ക്കാ​ൻ അ​നു​വ​ദി​ക്കൂ​ എ​ന്ന് പോ​ലീ​സ് അ​റി​യി​ച്ചു. അ​ന​ധി​കൃ​ത​മാ​യി ക​ട​ക​ൾ തു​റ​ക്കു​ന്നു​ണ്ടോ എ​ന്നു പ​രി​ശോ​ധി​ക്കാ​ൻ ആ​രോ​ഗ്യ​വ​കു​പ്പി​നോ​ടും ജി​ല്ലാ ക​ള​ക്ട​ർ ആ​വ​ശ്യ​പ്പെ​ട്ടി​ട്ടു​ണ്ട്.