ഹോട്ടലുകളില് പാര്സല് സര്വീസ് മാത്രം
കോഴിക്കോട്: കേന്ദ്ര-സംസ്ഥാന സര്ക്കാരുകള് ലോക്ക്ഡൗണ് ഇളവുകള് പ്രഖ്യാപിച്ചെങ്കിലും ജില്ലയിലെ ഹോട്ടലുകളില് പാര്സല് സര്വീസ് മാത്രം. ഹോട്ടലുകള് തുറന്നു പ്രവര്ത്തിക്കില്ലെന്നാ ണ് കേരള ഹോട്ടല് ആന്ഡ് റസ്റ്ററന്റ് അസോസിയേഷന് ജില്ലാ കമ്മിറ്റി തീരുമാനം. പാര്സല് കൗണ്ടറുകളും ഹോംഡെലവറിയും തുടരും. ജീവനക്കാരുടെയും പൊതുജനങ്ങളുടെയും ആരോഗ്യസുരക്ഷ കണക്കിലെടുത്താണ് ഹോട്ടലുകളില് ആളുകളെ ഇരുത്തി ഭക്ഷണം നല്കേണ്ടന്ന് തീരുമാനിച്ചതെന്ന് ഹോട്ടല് ആന്ഡ് റസ്റ്റോറന്റ് അസോസിയേഷന് ജില്ലാ പ്രസിഡന്റ് മുഹമ്മദ് സുഹൈല് പറഞ്ഞു. ജില്ലയില് കോവിഡ് രോഗികളുടെ എണ്ണും അനുദിനം വര്ധിച്ചു വരികയാണ്. ഈ സാഹചര്യത്തില് ഹോട്ടലുകള് തുറന്നാല് അത് പ്രതികൂലമായി ബാധിക്കാന് സാധ്യതയുണ്ട്. കോവിഡ് വ്യാപനം കുറഞ്ഞാല് മാത്രം ഹോട്ടലുകള് പൂര്ണമായും പ്രവര്ത്തിച്ചാല് മതിയെന്നാണ് സംഘടനയുടെ തീരുമാനം. അതേസമയം തുറന്നു പ്രവര്ത്തിക്കുന്ന ഹോട്ടലുകള്ക്ക് സര്ക്കാര് കര്ശന നിര്ദേശങ്ങളാണ് നല്കിയത്. ഭക്ഷണം വിളുമ്പുന്നവര് മാസ്കും കൈയുറയും ധരിക്കണമെന്നും ഉപയോഗിച്ച പാത്രങ്ങള് ചൂടുവെള്ളത്തില് കഴുകണമെന്നും മെനു കാര്ഡുകള് ഡിസ്പോസബില് ആക്കണമെന്നുമാണ് നിര്ദേശം. കൂടാതെ തുണി നാപ്കിനുകള്ക്ക് പകരം കടലാസ് നാപ്കിന് ഉപയോഗിക്കണമെന്നും നിര്ദേശിച്ചിട്ടുണ്ട്.
Home › News › ഹോട്ടലുകളില് പാര്സല് സര്വീസ് മാത്രം
