ഉത്തര കേരളത്തിൽ സൗജന്യ അരി വിതരണം 70 ശതമാനം ലക്ഷ്യം കൈവരിച്ചു
കോഴിക്കോട്: ഉത്തര കേരളത്തിലെ റെഡ് സോൺ ജില്ലകളിൽ മുൻഗണനാ വിഭാഗത്തിൽ പെടുന്ന, പ്രധാൻമന്ത്രി ഗരീബ് കല്യാൺ അന്ന യോജന ഗുണഭോക്താക്കളിൽ 70 ശതമാനത്തിലധികം സൗജന്യ അരി കൈപ്പറ്റിയതായി ഔദ്യോഗിക കേന്ദ്രങ്ങൾ അറിയിച്ചു. മഞ്ഞ കാർഡ് ഉടമകൾക്കാണ് ആദ്യ ഘട്ടത്തിൽ സൗജന്യഅരി വിതരണം ചെയ്തത്.തുടർന്ന് പിങ്ക് കാർഡ് ഉടമകൾക്കുള്ള അരി വിതരണം ആരംഭിച്ചു.കോഴിക്കോട് ജില്ലയിൽ മാത്രം മഞ്ഞ കാർഡ് ഉടമകളിൽ 75 ശതമാനം പേർ ആദ്യ രണ്ടു ദിവസങ്ങളിലായി അരി കൈപ്പറ്റി. ജില്ലയിലെ മൊത്തം 38,360 മഞ്ഞ കാർഡ് ഉടമകളിൽ 29,017 പേർക്കായി 5,83,251 കിലോ അരി വിതരണം ചെയ്തതായി അധികൃതർ പറഞ്ഞു. കണ്ണൂർ, കാസർഗോഡ്, കോഴിക്കോട് ജില്ലകൾ റെഡ് സോണിൽ തുടരുന്നതിനാൽ തൊഴിലുറപ്പ് ജോലികൾ ഇനിയും വൈകും. മൂന്നു ജില്ലകളിലും പിങ്ക് കാർഡ് ഉടമകൾക്ക് സൗജന്യ അരി വിതരണം തുടരുകയാണ്. കോഴിക്കോട് ജില്ലയിൽ മൊത്തം 2, 82,087 പിങ്ക് കാർഡ് ഉടമകളാണുള്ളത്. ഇതിൽ 76,434 ഗുണഭോക്താക്കൾക്ക് ആദ്യദിനം തന്നെ അരി വിതരണം ചചെയ്തു
Home › News › ഉത്തര കേരളത്തിൽ സൗജന്യ അരി വിതരണം 70 ശതമാനം ലക്ഷ്യം കൈവരിച്ചു
